Vegalengdin fjórfaldast þegar heiðarnar lokast

Kristján Már Unnarsson skrifar 7. október 2014 20:30

Milljar ð afj á rfestingar í fiskeldi á Vestfj ö r ð um n ý tast ekki sem skyldi vegna erfi ð ra samgangna. Þ annig ver ð ur rekstur n ý rrar sei ð aeldisst öð var D ý rfisks á T á lknafir ð i annm ö rkum h áð ur þ ar til vetrareinangrun milli nor ð ur- og su ð urfjar ð a Vestfjar ð a ver ð ur rofin.

Seiðaeldisstöðin sem Dýrfiskur reisir á Tálknafirði.Stöð 2/Egill Aðalsteinsson.

Í botni Tálknafjarðar stendur Dýrfiskur í milljarðaframkvæmdum við seiðaeldisstöð og verða byggingarnar þær stærstu á Vestfjörðum. Aðstæður til að ala upp seiði þykja einkar hagstæðar þar vegna gnægðar af volgu vatni. Þegar seiðin hjá Dýrfiski hafa náð vissri stærð eru þau flutt til áframeldis í sjókvíum í Dýrafirði og Önundafirði.

Sigurvin Hreiðarsson, stöðvarstjóri Dýrfisks á Tálknafirði.Stöð 2/Egill Aðalsteinsson.

Sigurvin Hreiðarsson, stöðvarstjóri Dýrfisks á Tálknafirði, lýsti þessum aðstæðum í fréttum Stöðvar 2. Starfsmenn fyrirtækisins væru að flýta sér þessa dagana að koma fisknum yfir heiðarnar áður en snjóar. Hann sagði heldur ekki glæsilegt að fara með stóran tank yfir fjöllin, eins og vegirnir væru.

Sjókvíar Dýrfisks á Dýrafirði.Mynd/Stöð 2.

Þegar horft er á landakortið virðist einfalt að skjótast milli starfsstöðva fyrirtækisins í Tálknafirði og Dýrafirði, 115 kílómetra leið. Þarna er hins vegar yfir háar heiðar að fara, Hrafnseyrarheiði og Dynjandisheiði.

Frá snjómokstri á Dynjandisheiði í maímánuði.Mynd/Stöð 2.

Þar til samgöngubætur eins og Dýrafjarðargöng koma neyðast starfsmenn Dýrfisks að vetrarlagi til að taka stóran aukakrók, um Hólmavík, Steingrímsfjarðarheiði og Djúp, alls 520 kílómetra vegalengd, eða yfir þúsund kílómetra fram og til baka.

Heiðarnar gætu lokast á næstu vikum og þá er ekki víst að þær verði ruddar fyrr en næsta vor. En finnst mönnum, sem eru að byggja upp fyrirtæki, þetta samgöngukerfi vera bjóðandi?

„Nei, ég held að það sé ósköp einfalt svar. Það er bara ekki,” svarar Sigurvin.

Framkvæmdirnar kalla á mikið af iðnaðarmönnum og því þykir brýnt að tryggja flæði vinnuafls milli byggða. Og það þarf einnig vegina til að koma afurðunum fljótt á markað.

Höskuldur Steinarsson, formaður Landssambands fiskeldisstöðva og framleiðslustjóri Fjarðalax.Stöð 2/Egill Aðalsteinsson.

Höskuldur Steinarsson, framleiðslustjóri Fjarðalax, bendir á að lax sé langverðmætastur ferskur. Séu menn í aðstöðu til að koma honum ferskum á markað nái menn mestu verðmæti úr vörunni. Það þýði flutninga um vestfirsku vegina.

„Það er mikið ævintýri. En þeir fara svo sem batnandi. Það er ekki hægt að segja annað. Hver framkvæmd, eins og sú sem er að klárast núna, er geysilega verðmæt. Við skulum ekki gleyma því sem vel er gert í þessu,” segir Höskuldur. Hann vísar til vegbótanna í Kjálkafirði og Kerlingarfirði og bætir við: „En vissulega, það er ævintýri að koma laxi frá sér, sérstaklega á veturna.”

Ekið niður Ódrjúgsháls í Gufudalssveit.Stöð 2/Egill Aðalsteinsson.

Tengdar fréttir

Mest lesið

Fleiri fréttir