Innlent

Útlendingar aldrei séð aðra eins vegi

Kristján Már Unnarsson skrifar
Steinunn Hjartardóttir og Soffía Haraldsdóttir, eigendur Hótels Flókalundar.
Steinunn Hjartardóttir og Soffía Haraldsdóttir, eigendur Hótels Flókalundar. Stöð 2/Baldur Hrafnkell Jónsson.

Vondir vegir koma í veg fyrir að unnt sé að byggja upp heilsársferðaþjónustu á Vestfjörðum, segja eigendur Hótels Flókalundar, sem aðeins hafa opið yfir sumartímann. Upphaflega var það Barðstrendingafélagið sem byggði upp Hótel Flókalund á þessum hlýlega stað í friðlandi Vatnsfjarðar. Flókalundur byrjaði sem veitingastaður fyrir hálfri öld. Fyrir um fjörutíu árum komu fyrstu gistiherbergin en þetta hefur samt eingöngu verið ætíð sumarrekstur.

Undanfarin fimmtán ár hafa tvenn hjón rekið Flókalund, þær Steinunn Hjartardóttir og Soffía Haraldsdóttir, ásamt eiginmönnum sínum, Sævari Pálssyni og Ólafi Haraldssyni, en rætt var við þær í fréttum Stöðvar 2 í kvöld. Í vor var opnað 16. maí og í haust verður lokað 20. september.

„Meðan við höfum ekki heilsársamgöngur er mjög erfitt að vera með heilsársrekstur,” segir Soffía Haraldsdóttir.

Iðulega er ekki hægt að opna heiðarnar fyrr en komið er fram á vor, eins og þegar þessi mynd var tekin af snjómokstri á Dynjandisheiði í maímánuði árið 1995. Mynd/Stöð 2.

„Og þó að verið sé að moka er ekki alltaf hægt að stóla á að það sé fært. Þannig að það er ekki grundvöllur fyrir því, allavega ekki ennþá,” segir Soffía. 

Flókalundur er umgirtur vondum vegum, norðan við eru Dynjandis- og Hrafnseyrarheiði, sem ófærar eru mánuðum saman yfir veturinn, og austan við er hinir alræmdu Ódrjúgsháls og Hjallaháls ásamt löngum malarköflum. 

„Við eigum nú von á bótum núna í sumar. Þannig að þetta er allt í áttina,” segir Steinunn Hjartardóttir og vísar til vegagerðarinnar sem nú stendur yfir í Kjálkafirði og Kerlingarfirði.

Brúin yfir Kjálkafjörð verður opnuð síðar í sumar. Stöð 2/Baldur Hrafnkell Jónsson.

„En þetta hefur óhjákvæmilega áhrif. Það eru margir sem veigra sér við að keyra eftir þessum gömlu malarvegum. Þó að okkur finnist þeir ágætir frá degi til dags þá er fólk bara í dag orðið óvant að keyra eftir þessum vegum. Útlendingar til dæmis hafa bara aldrei séð annað eins,” segir Soffía. 

Flókalundur hefur þó notið vaxandi ferðamannastraums og heitur pottur í fjöruklettum er meðal þess sem heillar. Eigendur Flókalundar eru því farnir að huga að stækkun og áforma að bæta við 10 herbergjum og stækka veitingasalinn. Þær segja að útlendingar séu 95 prósent gesta hótelsins. Íslendingar séu hins vegar aðalviðskiptavinirnir á tjaldstæðinu.


Tengdar fréttir

Telur breyttan veg ekki leyfa nýtt umhverfismat

Framtíðarlega Vestfjarðavegar um Gufudalssveit er í algerri óvissu eftir að Skipulagsstofnun gerði Vegagerðinni ljóst að hún myndi ekki fallast á að vegur um Teigsskóg færi í nýtt umhverfismat með breyttri veglínu.

Brú yfir Kjálkafjörð opnuð fyrir verslunarmannahelgi

Einn vestfirsku fjarðanna, Kjálkafjörður, er að lokast þessa dagana með vegfyllingu, og það var rétt eins og opnað væri fyrir flóðgátt þegar sjónum var í fyrsta sinn hleypt undir nýju brúna yfir fjörðinn.

Fiskeldismenn kalla eftir vegabótum á Vestfjörðum

Milljarðauppbygging fiskeldis á Vestfjörðum kallar á stórfelldar vegabætur strax, segir framkvæmdastjóri Arnarlax. Vegirnir á Vestfjörðum séu einfaldlega ónýtir. Norskt fiskeldis- og matvinnslufyrirtæki er að flytja alla starfsemi sína frá Norður-Noregi til sunnaverðra Vestfjarða og hyggst byggja þar seiðaeldisstöð, laxasláturhús og fiskréttaverksmiðju í nafni Arnarlax. Náttúrulegar aðstæður í Arnarfirði þykja ákjósanlegar en annað gildir um innviði eins og vegi sem ráðamenn félagsins segja að verði að bæta. "Þetta er mjög einfalt mál. Vegirnir eru ónýtir.

Ákall til Alþingis um Dýrafjarðargöng

Vestfirðingar safna nú undirskriftum undir ákall til stjórnvalda um að Dýrafjarðargöng fái forgang og fram fyrir Vaðlaheiðargöng og Norðfjarðargöng. Bíll komst yfir Hrafnseyrarheiði í dag í fyrsta sinn í fjóra mánuði. Ákall um Dýrafjarðargöng er yfirskriftin sem lýsir vel hve heitt samgöngumálin brenna á Vestfirðingum.

Megintenging innan Vestfjarða ófær í fjóra mánuði

Vegagerðin hefur frestað því að opna Hrafnseyrarheiði og Dynjandisheiði en þær hafa báðar verið meira og minna lokaðar undanfarna fjóra mánuði. Ráðamenn á Vestfjörðum segja ástand vegamála þar ömurlegt. Dynjandisheiði og Hrafnseyrarheiði eru á miðhluta Vestfjarða en þær hafa verið meira og minna verið lokaðar frá því í nóvember og alfarið frá 12. desember.

Þúsund kílómetra bíltúr til að heimsækja nágranna á Vestfjörðum

Formaður bæjarráðs Ísafjarðar segir ástand samgöngumála á Vestfjörðum ömurlegt og ríkisstjórnin geti ekki skýlt sér á bak við hrunið þegar loforð um úrbætur séu svikin. Hann nefnir dæmi um starfsmenn fiskeldisstöðvar sem þurfa að aka yfir þúsund kílómetra milli tveggja fjarða þótt aðeins þrjátíu kílómetra loftlína sé þar á milli.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.