Umfjöllun, viðtöl og einkunnir: FH - Keflavík 2-0 | FH á toppinn á ný Guðmundur Marinó Ingvarsson í Kaplakrika skrifar 20. ágúst 2014 12:00 Sindri Snær Magnússon og Hólmar Örn Rúnarsson eigast við í Kaplakrika í kvöld. Vísir/andri marinó FH er aftur komið í efsta sæti Pepsí deildar karla í fótbolta eftir 2-0 sigur á Keflavík á heimavelli í kvöld. Leikurinn var aldrei rismikill. FH var mun betri aðilinn án þess þó að leika eins vel og liðið getur best. Liðið þurfti hreinlega ekki að setja í þriðja gír. Keflvíkingar virkuðu á köflum þreyttir eftir tapið í bikarúrslitum um helgina og gerðu sig oft seka um klaufaleg mistök. Sérstaklega voru dýr þau fáu skyndiupphlaup sem liðið átti möguleika á í leiknum þegar auðveldar sendingar rötuðu frekar útaf en á samherja. Þrátt fyrir mikla yfirburði FH og slaka frammistöðu Keflavíkur gerðist ekki margt í leiknum. FH komst yfir snemma leiks þegar Magnús Þórir Matthíasson varð fyrir því óláni að senda boltann í eigið net og fékk FH ekki mörg dauðafæri þrátt fyrir yfirburðina. Keflavík var aldrei líklegt til að skora en átti þó eitt skot í stöngina þegar hálftími var eftir úr þröngu færi og FH lét ekki segja sér það tvisvar að Keflavík væri bara einu færi frá því að stela stigi og gerði út um leikinn með fallegu marki Steven Lennon tveimur mínútum síðar. Ákaflega sanngjarn og verðskuldaður sigur FH staðreynd og liðið komið á topp Pepsí deildarinnar á nýjan leik með betri markamun en Stjarnan. Keflavík féll niður í 7. sætið með tapinu og er liðið nú komið í bullandi fallbaráttu, aðeins þremur stigum frá fallsæti.vísir/andri marinóHeimir: Reynslunni ríkar frá fyrri leiknum „Það er aldrei létt að spila á móti Keflavík. Þeir eru með gott lið en við vorum reynslunni ríkari frá því í fyrri leiknum,“ sagði Heimir Guðjónsson þjálfari FH en liðin skildu jöfn í fyrri leiknum í Keflavík. „Keflavík byrjar alltaf leikina sína vel og ná oft að skora snemma. Það gerðist í fyrri leiknum en við byrjuðum leikinn vel og náðum að skora snemma og vorum með yfirhöndina lengstum. „Keflavík er með frábærlega útfærðar skyndisóknir og við náðum að loka á það í leiknum öfugt við í fyrri leiknum þar sem við lentum í vandræðum. „Við unnum fyrir þessu. Við lögðum okkur fram og spiluðum á köflum góðan fótbolta og sköpuðum góð færi og nýttum vængina vel. Við vorum öflugir í kvöld,“ sagði Heimir sem er ekki farinn að láta sig dreyma um úrslitaleik við Stjörnuna í Kaplakrika í byrjun október. „Við einbeitum okkur að einum leik í einu. Stjarnan er búin að spila frábærlega í sumar og þeir vinna alla sína leiki. Ef við ætlum að hanga í þeim þá þurfum við að vera vel samstilltir í leikjunum sem eru eftir. Maður veit aldrei hvað gerist í fótbolta,“ sagði Heimir.vísir/andri marinóKristján: Horfum bara í efri hlutann „Við spiluðum frekar illa. Við gerðum ansi margar vitleysur. Bæði ótrúlegar ákvarðanatökur og margar slakar sendingar. Þetta var mjög dapurt hjá okkur,“ sagði Kristján Guðmundsson þjálfari Keflavíkur. „Það er erfitt að finna eina skýringu núna en við vorum auðvitað að spila á móti mjög góðu liði. Bikarúrslitin hafa einhver áhrif en það er orka í okkur. Við vorum að hlaupa og við vorum ekkert að leggjast til baka eða neitt slíkt. Við þrýstum á þá. Það vantaði eitthvað upp á einbeitinguna og að framkvæma. Tækniatriðin voru slök en orkan var til staðar. „Við vildum þrýsta á þá og koma í veg fyrir að þeir myndu ná takt í sinn leik og halda áfram að vera með hröðu sóknirnar okkar en það gekk afskaplega illa upp. Sérstaklega vegna þess að sendingarnar okkar rötuðu ekki á samherja og þegar við áttum færi á að sækja þá vorum við allt of mikið í að rekja boltann til baka. „Þeir leikmenn sem hafa getu til að rekja boltann og sækja á markið gerðu það ekki. Við vorum að taka tæknilega rangar ákvarðanir. Við vorum aldrei með tök á boltanum,“ sagði Kristján sem horfir bara upp á við og vildi ekki nefna að Keflavík væri komið í bullandi fallbaráttu. „Deildin er jöfn fyrir utan ofurliðin þrjú. Nú er hvert einasta mark dýrmætt, það er ekki bara hvert einasta stig. „Mér sýnist að hver einasti leikur sem eftir er vera mikilvægur. Það er hægt að dragast niður í neðri hlutann en það er líka möguleiki að vera áfram í efri hlutanum og við horfum bara þangað,“ sagði Kristján. Pepsi Max-deild karla Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Southampton leikur um laust sæti í ensku úrvalsdeildinni Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Tíunda tapið í röð hjá Íslendingaliði Balingen Handbolti Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
FH er aftur komið í efsta sæti Pepsí deildar karla í fótbolta eftir 2-0 sigur á Keflavík á heimavelli í kvöld. Leikurinn var aldrei rismikill. FH var mun betri aðilinn án þess þó að leika eins vel og liðið getur best. Liðið þurfti hreinlega ekki að setja í þriðja gír. Keflvíkingar virkuðu á köflum þreyttir eftir tapið í bikarúrslitum um helgina og gerðu sig oft seka um klaufaleg mistök. Sérstaklega voru dýr þau fáu skyndiupphlaup sem liðið átti möguleika á í leiknum þegar auðveldar sendingar rötuðu frekar útaf en á samherja. Þrátt fyrir mikla yfirburði FH og slaka frammistöðu Keflavíkur gerðist ekki margt í leiknum. FH komst yfir snemma leiks þegar Magnús Þórir Matthíasson varð fyrir því óláni að senda boltann í eigið net og fékk FH ekki mörg dauðafæri þrátt fyrir yfirburðina. Keflavík var aldrei líklegt til að skora en átti þó eitt skot í stöngina þegar hálftími var eftir úr þröngu færi og FH lét ekki segja sér það tvisvar að Keflavík væri bara einu færi frá því að stela stigi og gerði út um leikinn með fallegu marki Steven Lennon tveimur mínútum síðar. Ákaflega sanngjarn og verðskuldaður sigur FH staðreynd og liðið komið á topp Pepsí deildarinnar á nýjan leik með betri markamun en Stjarnan. Keflavík féll niður í 7. sætið með tapinu og er liðið nú komið í bullandi fallbaráttu, aðeins þremur stigum frá fallsæti.vísir/andri marinóHeimir: Reynslunni ríkar frá fyrri leiknum „Það er aldrei létt að spila á móti Keflavík. Þeir eru með gott lið en við vorum reynslunni ríkari frá því í fyrri leiknum,“ sagði Heimir Guðjónsson þjálfari FH en liðin skildu jöfn í fyrri leiknum í Keflavík. „Keflavík byrjar alltaf leikina sína vel og ná oft að skora snemma. Það gerðist í fyrri leiknum en við byrjuðum leikinn vel og náðum að skora snemma og vorum með yfirhöndina lengstum. „Keflavík er með frábærlega útfærðar skyndisóknir og við náðum að loka á það í leiknum öfugt við í fyrri leiknum þar sem við lentum í vandræðum. „Við unnum fyrir þessu. Við lögðum okkur fram og spiluðum á köflum góðan fótbolta og sköpuðum góð færi og nýttum vængina vel. Við vorum öflugir í kvöld,“ sagði Heimir sem er ekki farinn að láta sig dreyma um úrslitaleik við Stjörnuna í Kaplakrika í byrjun október. „Við einbeitum okkur að einum leik í einu. Stjarnan er búin að spila frábærlega í sumar og þeir vinna alla sína leiki. Ef við ætlum að hanga í þeim þá þurfum við að vera vel samstilltir í leikjunum sem eru eftir. Maður veit aldrei hvað gerist í fótbolta,“ sagði Heimir.vísir/andri marinóKristján: Horfum bara í efri hlutann „Við spiluðum frekar illa. Við gerðum ansi margar vitleysur. Bæði ótrúlegar ákvarðanatökur og margar slakar sendingar. Þetta var mjög dapurt hjá okkur,“ sagði Kristján Guðmundsson þjálfari Keflavíkur. „Það er erfitt að finna eina skýringu núna en við vorum auðvitað að spila á móti mjög góðu liði. Bikarúrslitin hafa einhver áhrif en það er orka í okkur. Við vorum að hlaupa og við vorum ekkert að leggjast til baka eða neitt slíkt. Við þrýstum á þá. Það vantaði eitthvað upp á einbeitinguna og að framkvæma. Tækniatriðin voru slök en orkan var til staðar. „Við vildum þrýsta á þá og koma í veg fyrir að þeir myndu ná takt í sinn leik og halda áfram að vera með hröðu sóknirnar okkar en það gekk afskaplega illa upp. Sérstaklega vegna þess að sendingarnar okkar rötuðu ekki á samherja og þegar við áttum færi á að sækja þá vorum við allt of mikið í að rekja boltann til baka. „Þeir leikmenn sem hafa getu til að rekja boltann og sækja á markið gerðu það ekki. Við vorum að taka tæknilega rangar ákvarðanir. Við vorum aldrei með tök á boltanum,“ sagði Kristján sem horfir bara upp á við og vildi ekki nefna að Keflavík væri komið í bullandi fallbaráttu. „Deildin er jöfn fyrir utan ofurliðin þrjú. Nú er hvert einasta mark dýrmætt, það er ekki bara hvert einasta stig. „Mér sýnist að hver einasti leikur sem eftir er vera mikilvægur. Það er hægt að dragast niður í neðri hlutann en það er líka möguleiki að vera áfram í efri hlutanum og við horfum bara þangað,“ sagði Kristján.
Pepsi Max-deild karla Mest lesið Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Klopp myndi kjósa með afnámi VAR Fótbolti Valsmenn síðastir inn í átta liða úrslit Fótbolti Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Van Dijk með þrennu og Diljá tvennu í stórsigri Leuven Fótbolti Southampton leikur um laust sæti í ensku úrvalsdeildinni Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Tíunda tapið í röð hjá Íslendingaliði Balingen Handbolti Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira