Louis van Gaal: Krul vissi af þessu

Louis van Gaal, þjálfari Hollands, var virkilega ánægður með að brella hans hafi gengið upp í gærkvöldi.

Van Gaal tók Jasper Sillesen af velli rétt fyrir lok framlengingarinnar og setti Tim Krul í markið. Krul átti heldur betur eftir að þakka traustið, en hann varði tvær vítaspyrnur af fjórum.

„Allir leikmenn hafa ákveðna hæfileika. Við töldum að Tim væri okkar sterkasti markmaður til að verja víti. Þú sást að Tim varði tvisvar og fór tvívegis í rétt horn. Við erum stoltir að þessi brella hafi gengið upp hjá okkur," sagði Louis van Gaal.

Van Gaal segir að ekkert hafi verið rætt Sillesen fyrir leikinn því þeir hafi ekki viljað trufla undirbúning hans fyrir leikinn.

„Við sögðum ekkert við Jasper því við vildum ekki láta hann vita fyrir leikinn. En eins og ég hef sagt, hver markmaður hefur sína hæfileika. Tim hefur lengri faðm og hefur varið fleiri víti," sagði hollenski þjálfarinn.