Fyrstu mínútur brunans náðust á öryggismyndavél

Myndskeið sem tekið var úr öryggismyndavél utan á húsnæði Myllunnar í Skeifunni má sjá hve hratt reykmökkurinn myndaðist í kjölfar eldsins sem kom upp um áttaleytið í Skeifunni 11 í gærkvöldi.

Öryggisvörður Securitas var fyrstur á svæðið upp úr klukkan átta og fékk slökkviliðið tilkynningu um eldsvoðann um korter yfir átta. Hófust aðgerðir í kjölfarið sem standa í raun enn yfir. Um 110 slökkviliðsmenn tóku þátt í aðgerðunum og enn standa nokkrir slökkviliðsmenn vaktina í Skeifunni.

Þá tóku tugir björgunarsveitamanna og lögreglumanna þátt í því að hafa hemil á mannfjöldanum sem fylgdist með gangi mála.

Bruninn í Skeifunni 6.7.2014 upptök from Jon Helgason on Vimeo.