Einar þarf að hugsa sinn gang

Kristján Guðmundsson, þjálfari Keflavíkur, telur engan vafa á því að FH-ingurinn Hólmar Örn Rúnarsson átti að fá rautt spjald í leik liðanna í kvöld.

„Þetta átti að vera beint rautt á Hólmar og það er enginn afgangur af því,“ sagði Kristján um umdeilt atvik sem varð til þess að Einar Orri Einarsson, miðjumaður Keflavíkur, fékk að líta sína aðra áminningu í leiknum.

„Síðan ögra þeir að sjálfsögðu Einari. Hann þarf að fara að hugsa sinn gang og átts ig á því að menn eru að ögra honum og reyna að lokka hann út af. Þetta var rétt annað gult spjald en algjör óþarfi.“

Nánari umfjöllun um leikinn má finna hér fyrir neðan.