Fylkisvöllur ekki tilbúinn

Fylkir og Þór hafa skipt á heimaleikjum og munu því liðin spila á Þórsvelli á fimmtudag en ekki Fylkisvelli, eins og til stóð.

Heil umferð fer fram í Pepsi-deildinni á fimmtudagskvöldið og hefst leikur Þórs og Fylkis klukkan 19.15. Leikur Keflavíkur og FH klukkan 20.00 verður í beinni útsendingu á Stöð 2 Sport.

Fylkir spilar því eingöngu útileiki fyrstu sex umferðir mótsins en fyrsti leikurinn á Fylkisvelli verður gegn Breiðabliki þann 11. júní.

Frá 13. júlí til 24. ágúst spilar svo Fylkir eingöngu á heimavelli sínum í Árbæ - alls sjö leiki í röð.