Klum keypti hús handa fyrrum tengdamóður sinni

Heidi Klum og fyrrum kærasti hennar, Martin Kirsten, hættu saman í janúar en Klum ákvað engu að síður að fjárfesta í húsnæði handa móður hans á dögunum.

Slúðurmiðlarnir vestanhafs telja að ástæðan sé sú að Klum hafi ekki viljað að Martin myndi tjá sig á nokkurn hátt um sambandsslit þeirra og að fjárfestingin hafi verið hennar leið að þagga niður í sínum fyrrverandi.

Talið er að Martin hafi gefist upp á 18 mánaða sambandi hans og Klum vegna þess að hann hafi fengið nóg af því að sjá um heimilishaldið á meðan fyrirsætan vann fyrir þeim himinháu tekjum sem hún fær fyrir módelstörfin. Þá hafi hann nánast alltaf séð um að passa fjögur börn Klum og fyrrum eiginmanns hennar, söngvarans Seal.