Forseti Úkraínu segir öryggissveitir hafa brugðist

Tveir hið minnsta féllu í átökum úkraínska hersins og aðskilnaðarsinna í austurhluta landsins í nótt. Aðskilnaðarsinnar hafa nú hörfað frá nokkrum opinberum byggingum í borginni Kramatorsk sem þeir náðu á sitt vald í síðasta mánuði.

Fregnir hafa borist af mikilli skothríð í nokkrum borgum í austurhlutanum, þar á meðal Mariopol og Sloviansk.  Bráðabirgðaforseti Úkraínu, Arseniy Yatsenyuk, sagði í nótt að öryggissveitir landsins hefðu brugðist stórkostlega þegar þeim mistókst að tryggja öryggi í borginni Odessa  fyrr í þessari viku þegar um fjörtíu manns létust í átökum öryggissveita og aðskilnaðarsinna.

Forsetinn boðaði opinbera rannsókn á atburðunum.