Bíða í röð eftir kolmunna

Þrjú íslensk kolmunnaskip bíða nú í röð eftir að fá að hefja veiðar í Færeysku lögsögunni. Þau mega ekki hefja veiðarnar fyrr en einhver íslensk skip, sem nú er að veiðum, fylla sig og halda heim.

Aðeins 12 íslensk skip mega veiða kolmunna í einu við Færeyjar, og þar eru nú 12 á veiðum, sem skýrir biðröðina.

Annars hefur kolmunnaveiðin verið góð, eftir að hann gekk loks á miðin og hafa mörg skip þegar landað fullfermi hér á landi. Sjómenn segja að hann sé þó að jafnaði heldur smærri en í fyrra.