Viðar leiðir Bjarta framtíð í Árborg

Viðar Helgason Viðar Helgason, fjallaleiðsögumaður og húsasmiður, leiðir lista Bjartrar framtíðar í Árborg til sveitarstjórnarkosninga í vor. Framboðslisti liggur fyrir og var samþykktur á opnum félagsfundi fyrr í mánuðinum en Björt framtíð býður fram í sveitarfélaginu í fyrsta sinn.

Efstu sæti listans skipa auk Viðars þau Eyrún Björg Magnúsdóttir, stjórnsýslufræðingur og framhaldsskólakennari í öðru sæti og Már Ingólfur Másson, sagnfræðingur og grunn- og framhaldsskólakennari í því þriðja.

„Björt framtíð í Árborg er vettvangur fólks sem vill gera gagn í sínu samfélagi og taka þátt í stjórnmálum á uppbyggilegan hátt,“ segir Viðar Helgason oddviti framboðsins, sem fengið hefur úthlutað listabókstafnum Æ í kosningunum. Heiðurssæti listans skipar Sigurgeir Hilmar Friðþjófsson kennari og leikari.

Listinn í heild sinni.