Verkfalli frestað til 22. maí

Verkfalli flugvallarstarfsmanna hefur verið frestað til 22. maí. Flug mun því ekki raskast í fyrramálið eins og í stefndi.

„Við erum að vonandi að fara að skrifa undir nýjan kjarasamnings í kvöld eða nótt,“ segir Kristján Jóhannson, formaður Félags íslenskra flugmálastarfsmanna. „Það var samkomulagsatriði að fresta verkfallinu og tilkynna það með svolítið góðum fyrirvara.“

Aðspurður segir Kristján ótta við lagasetningu ekki hafa valdið því að verkfallinu var frestað.

„Alls ekki. Við leiddum ekki hugann að því. Þetta er bara afrakstur vinnu samninganefnda FFR, SFR, LLS og SA.“