Annie Mist glæsileg í Vogue

Hin margverðlauna íþróttakona Annie Mist Þórisdóttir prýðir síður nýjustu útgáfu bandaríska tískutímaritsins Vogue.

„Þegar ég heyrði að Vogue hefðu áhuga á að fjalla um mig leitaði ég á Google hvort að það væri íþróttadálkur í blaðinu. Ég var svo spennt þegar það rann upp fyrir að auðvitað er ekki íþróttadálkur, þetta er Vogue,“ segir Annie í viðtali við tímaritið.

Annie Mist hefur náð gríðarlegum árangri í Cross Fit á seinustu misserum og varð meðal annarra afreka eina konan til þess að sigra árlegu Cross Fit leikanna tvö ár í röð.

Íþróttaárangur og lífsspeki Annie hefur augljóslega heillað Anna Wintour, ritstjóra bandaríska Vogue, en myndirnar af ungu íþróttakonunni eru glæsilegar.