Sjálfstæðisflokkurinn vill ekki háhýsi

Sjálfstæðisflokkurinn hefur lagt fram tillögu í borgarráði um að óska eftir viðræðum við lóðarhafa á Skuggahverfisreit.

Viðræðurnar snúa að breytingu á deiliskipulagi reitsins í því skyni að vernda sjónás sem liggur frá Skólavörðuholti norður Frakkastíg.

Samkvæmt gildandi deiliskipulagi, sem samþykkt var í borgarráði 9. mars 2006, er heimilt að reisa 19 hæða háhýsi á lóðinni.

Í tillögunni er óskað eftir því ná samkomulagi við lóðarhafa um breytingar á háhýsi því, sem fyrirhugað er að rísi á lóðinni, annað hvort með tilfærslu þess innan reitsins, eða samkomulagi um verulega lækkun þess.