Sex mánaða skilorðsbundið fangelsi fyrir líkamsárás

Tvær ungar konur voru dæmdar í sex mánaða skilorðsbundið fangelsi  í Hérðasdómi Reykjavíkur í morgun fyrir að ráðast á aðra unga konu í október 2010.

Ungur karlmaður sem ákærður var fyrir hylmingu brotanna var sýknaður og mál annarrar ungrar konu sem einnig var ákærð var fyrnt.

Konurnar sem dæmdar voru ógnuðu hinni konunni með hnífi og skipuðu henni að afhenda debetkortið sitt. Að auki þvinguðu þær hana til þessað gefa upp pin númer kortsins og fara með sér í hraðbanka. Þar létu þær hana taka út 25 þúsund krónur af reikningi hennar.

Unga konan sem ráðist var á hlaut mar, hrufl og bólgu við líkamsárásina.