The Wolf Of Wall Street gyðjan gengin út

Ástralska leikkonan Margot Robbie er komin með kærasta en Ný Sjálenski miðillinn Stuff sem greinir frá þessu. Sá heppni heitir Henry Aitken og kynntust þau við tökur á kvikmyndinni Z for Zachariah sem fara fram á Nýja Sjálandi. Aitken vinnur við leikmyndahönnun í kvikmyndinni.

Samkvæmt heimildarmanni hafa turtildúfurnar verið að hittast í nokkrar vikur og eru víst innilega ástfangin. Þá bætti heimildarmaðurinn við að Robbie væri ekki mikið fyrir fræga stráka og því kæmi samband hennar við Aitken ekki á óvart.

Margot Robbie átti stórleik í kvikmyndinni The Wolf of Wall Street á síðasta ári, þar sem hún tældi Leonardo DiCaprio upp úr skónum með sínum mikla þokka. Áður vakti hún mikla athygli í Nágrönnum. Chris Pine og Chiwetel Ejiofor leika á móti fegurðardísinni í myndinni sem nú er í tökum.