Pippa fór með gamanmál

Pippa Middleton sagði orðabrandara um rassinn á sér í ræðu á Savoy-hótelinu í London við mikinn fögnuð viðstaddra í gær. Kvöldverðurinn var skipulagður af konum í auglýsingageiranum. Pippa vakti athygli fyrir mikla einlægni í ræðunni, en hún sagði að frægðin hefði komið óvænt í fangið á henni, og hún kvaðst vera þakklát fyrir tækifærin, en talaði líka um neikvæðar hliðar á frægðinni. Um þrjú ár eru síðan systir hennar, Kate Middleton, gekk að eiga Vilhjálm prins. Pippa fékk mikla fjölmiðlaathygli út á klæðaburð sinn í brúðkaupinu. Í ræðu sinni í gær sagði  Pippa að kjóllinn sem hún klæddist í brúðkaupinu hefði líklega passað fullvel.