Fróaði sér í návist tánings

Karlmaður var í dag dæmdur í tólf mánaða fangelsi í Hæstarétti Íslands fyrir kynferðislegt og ósiðlegt tal gagnvart táningi.

Maðurinn var sakfelldur fyrir að hafa berað á sér kynfærin og fróað sér í návist stúlkunnar sem þá var fimmtán ára. Hann er sakaður um að hafa reynt að taka af henni sæng og káfað á henni auk þess að notfæra sér yfirburðarstöðu sína vegna aldurs- og aflsmunar og reynsluleysis stúlkunnar.

Stúlkan var ein með manninum í herberginu og fjarri heimili sínu. Háttsemi mannsins varðar barnaverndarlög og almenn hegningarlög.

Auk tólf mánaða fangelsisvistar er manninum gert að greiða stúlkunni 800 þúsund krónur í miskabætur.