Snorri: Verðum að gera þetta eins og menn

Snorri Steinn Guðjónsson verður sem fyrr í lykilhlutverki hjá íslenska liðinu í dag er það mætir Austurríki í fyrsta leik liðanna í milliriðli á EM.

"Þetta leggst vel í mig. Við þekkjum þá vel og þeir þekkja okkur. Það mun fátt koma á óvart og því er þetta spurning um dagsformið. Við verðum að gera þetta eins og menn," sagði Snorri.

"Þeir eru með góða menn eins og Szilagyi sem við þurfum að passa vel. Þeir spila vel sem lið. Það er alltaf gaman að spila gegn Patta þó svo maður pæli lítið í því í leiknum.

"Það verður spes fyrir Patta að hlusta á íslenska þjóðsönginn og svona en ég efast ekki um að þessi mikli keppnismaður ætli sér sigur á móti okkur."

Viðtalið við Snorra í heild sinni má sjá hér að ofan.