62 ára meistari í kraftlyftingum Elín Albertsdóttir skrifar 25. nóvember 2014 11:00 Dagmar, sem er hársnyrtir og myndlistarkona, segir að kraftlyftingarnar geri sér mjög gott. Hún sé sterkari og úthaldsbetri. visir/Daníel Dagmar Agnarsdóttir, 62 ára, varð um helgina Íslandsmeistari í sínum flokki í kraftlyftingum eftir að hafa æft í rúmt eitt ár. Bikarmótið fór fram á Akueyri en hennar félag er Grótta á Seltjarnarnesi. Dagmar byrjaði að æfa kraftlyftingar þegar dætur hennar tvær hvöttu hana til þess. „Dætur mínar höfðu verið að æfa hjá Ingimundi Björgvinssyni og vildu fá mig með sér, rífa mig upp úr sófanum. Ég sló til og þetta reyndist vera bráðskemmtilegt. Ekki síst að við værum að gera þetta saman,“ segir Dagmar. „Þetta þróaðist í þá veru að þjálfarinn, Ingimundur, fór að leggja á það áherslu að ég myndi taka þátt í keppni. Ég var viss um að hann væri að grínast. Síðan varð það úr að ég fór í keppni í réttstöðulyftingum og bar sigur úr býtum,“ segir Dagmar.Góðar æfingarÞað er raunar frekar óvenjulegt að kona á þessum aldri stundi kraftlyftingar. Nýleg bandarísk rannsókn sem birt var í Acta Psychologica sýndi að styrktarþjálfun, eins og kraftlyftingar, styrki vöðva og bein auk þess að auka brennslu. Þar að auki sýndi rannsóknin að fólk sem stundar styrktarþjálfun fær betra minni sem gerist með auknu blóðflæði til heila. Dagmar segir það ánægjulegt ef rétt reynist en hún finni mikinn mun á stoðkerfi sínu eftir að hún byrjaði að þjálfa. „Æfingarnar hafa styrkt mig mikið líkamlega. Það er enginn asi í þessari íþrótt sem hentar mér vel og gerir mér mjög gott. Ég er alltaf með þjálfara með mér, enda myndi ég ekki nenna að vera ein í æfingasal. Ég mæti þrisvar í viku. Í fyrstu fór ég tvisvar í viku en þjálfarinn lagði til að ég kæmi þrisvar. Ég hlýði því sem hann segir,“ segir Dagmar galvösk. Hún segist auka þyngdina smám saman eftir því sem hún styrkist. „Maður byggir sig upp. Þjálfarinn er ekkert að ögra manni að lyfta of þungu. Ég vil bara styrkja mig og fá góða líkamsbyggingu,“ útskýrir Dagmar.Dagmar að lyfta á Bikarmótinu í kraftlyftingum á Akureyri um helgina.Mynd úr einkasafniMargar konur lyftaHún hafði ekki fundið fyrir neins konar stoðkerfisvandamálum áður en hún byrjaði en gerði sér grein fyrir að áhættan væri til staðar þegar aldurinn færist yfir. Sérstaklega ef fólk hreyfir sig ekkert. „Ef maður getur komið í veg fyrir slík vandamál eða tafið þau er tilganginum náð. Ég tók alltaf tarnir í líkamsrækt en stundaði hana ekki reglulega. Ég dansa þó zumba og finnst það skemmtilegt. Svo hef ég hjólað en verið minna í leikfimi,“ segir Dagmar sem mætir klukkan átta á morgnana áður en hún fer til vinnu. Hún er bæði hársnyrtir og öflug myndlistarkona. „Mér finnst frábært að fara snemma á morgnana,“ segir hún. Dagmar segir að sífellt fleiri konur velji kraftlyftingar til að styrkja sig. Hún hefur tekið eftir fjölgun kvenna frá því hún byrjaði. „Í þessum æfingum reynir maður á alla vöðva líkamans, ég finn að ég er sterkari og úthaldið miklu betra,“ segir hún. „Þetta er ofboðslega skemmtilegt.“ Dagmar segist ekkert velta mataræðinu fyrir sér. „Kannski borða ég minna sælgæti og passa mig á unnum kjötvörum,“ segir hún en Dagmar fer á næsta mót í febrúar og síðan á mót í Finnlandi næsta sumar. „Ég get mælt hundrað prósent með kraftlyftingum fyrir allar konur.“ Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Við erum öll byrjendur á einhverjum tímapunkti“ Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira
Dagmar Agnarsdóttir, 62 ára, varð um helgina Íslandsmeistari í sínum flokki í kraftlyftingum eftir að hafa æft í rúmt eitt ár. Bikarmótið fór fram á Akueyri en hennar félag er Grótta á Seltjarnarnesi. Dagmar byrjaði að æfa kraftlyftingar þegar dætur hennar tvær hvöttu hana til þess. „Dætur mínar höfðu verið að æfa hjá Ingimundi Björgvinssyni og vildu fá mig með sér, rífa mig upp úr sófanum. Ég sló til og þetta reyndist vera bráðskemmtilegt. Ekki síst að við værum að gera þetta saman,“ segir Dagmar. „Þetta þróaðist í þá veru að þjálfarinn, Ingimundur, fór að leggja á það áherslu að ég myndi taka þátt í keppni. Ég var viss um að hann væri að grínast. Síðan varð það úr að ég fór í keppni í réttstöðulyftingum og bar sigur úr býtum,“ segir Dagmar.Góðar æfingarÞað er raunar frekar óvenjulegt að kona á þessum aldri stundi kraftlyftingar. Nýleg bandarísk rannsókn sem birt var í Acta Psychologica sýndi að styrktarþjálfun, eins og kraftlyftingar, styrki vöðva og bein auk þess að auka brennslu. Þar að auki sýndi rannsóknin að fólk sem stundar styrktarþjálfun fær betra minni sem gerist með auknu blóðflæði til heila. Dagmar segir það ánægjulegt ef rétt reynist en hún finni mikinn mun á stoðkerfi sínu eftir að hún byrjaði að þjálfa. „Æfingarnar hafa styrkt mig mikið líkamlega. Það er enginn asi í þessari íþrótt sem hentar mér vel og gerir mér mjög gott. Ég er alltaf með þjálfara með mér, enda myndi ég ekki nenna að vera ein í æfingasal. Ég mæti þrisvar í viku. Í fyrstu fór ég tvisvar í viku en þjálfarinn lagði til að ég kæmi þrisvar. Ég hlýði því sem hann segir,“ segir Dagmar galvösk. Hún segist auka þyngdina smám saman eftir því sem hún styrkist. „Maður byggir sig upp. Þjálfarinn er ekkert að ögra manni að lyfta of þungu. Ég vil bara styrkja mig og fá góða líkamsbyggingu,“ útskýrir Dagmar.Dagmar að lyfta á Bikarmótinu í kraftlyftingum á Akureyri um helgina.Mynd úr einkasafniMargar konur lyftaHún hafði ekki fundið fyrir neins konar stoðkerfisvandamálum áður en hún byrjaði en gerði sér grein fyrir að áhættan væri til staðar þegar aldurinn færist yfir. Sérstaklega ef fólk hreyfir sig ekkert. „Ef maður getur komið í veg fyrir slík vandamál eða tafið þau er tilganginum náð. Ég tók alltaf tarnir í líkamsrækt en stundaði hana ekki reglulega. Ég dansa þó zumba og finnst það skemmtilegt. Svo hef ég hjólað en verið minna í leikfimi,“ segir Dagmar sem mætir klukkan átta á morgnana áður en hún fer til vinnu. Hún er bæði hársnyrtir og öflug myndlistarkona. „Mér finnst frábært að fara snemma á morgnana,“ segir hún. Dagmar segir að sífellt fleiri konur velji kraftlyftingar til að styrkja sig. Hún hefur tekið eftir fjölgun kvenna frá því hún byrjaði. „Í þessum æfingum reynir maður á alla vöðva líkamans, ég finn að ég er sterkari og úthaldið miklu betra,“ segir hún. „Þetta er ofboðslega skemmtilegt.“ Dagmar segist ekkert velta mataræðinu fyrir sér. „Kannski borða ég minna sælgæti og passa mig á unnum kjötvörum,“ segir hún en Dagmar fer á næsta mót í febrúar og síðan á mót í Finnlandi næsta sumar. „Ég get mælt hundrað prósent með kraftlyftingum fyrir allar konur.“
Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Gylfi og Alexandra eiga von á barni Lífið „Við erum öll byrjendur á einhverjum tímapunkti“ Lífið „Ég dreg mig í hlé og fer bara og stofna kaffihús“ Lífið Bernard Hill er látinn Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Krakkatían: Kolbeinn kafteinn, langspil og hvolpar Lífið Fleiri fréttir „Við erum öll byrjendur á einhverjum tímapunkti“ Sonurinn skírður Gylfi og Alexandra eiga von á barni Bernard Hill er látinn Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Sjá meira