Ferðaveður víða vont

Um og upp úr hádegi gengur vindur með snörpum hviðum niður á Kjalarnesi, undi Hafnarfjalli og sunnan undir Snæfellsnesi.

Eins lægir og rofar til víða norðan og norðvestanlands frá og með miðjum degi.

Norðantil á Vestfjörðum er hins vegar útlit fyrir nokkuð ákafa ofanhríð meira og minna í allan dag og býst veðurstofan við stormi norðvestan til á landinu fram eftir kvöldi.

Greiðfært er að mestu á Suðurlandi.



Ófært er á Fróðárheiði en annars hálka eða hálkublettir á flestum leiðum á Vesturlandi.



Snjóþekja er á Vatnaleiði, þæfingur og stórhríð er á Svínadal og ekkert ferðaveður.

Hálka og skafrenningur er á Bröttubrekku og Holtavörðuheiði.

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.