Cole og Carrick ekki í enska landsliðshópnum | Cole er hættur

Landsliðsferli Ashley Cole er lokið en landsliðsþjálfari Englands, Roy Hodgson, hefur tjáð Cole að hann sé ekki í landsliðshópnum fyrir HM.

Hodgson óskaði eftir því engu að síður að Cole yrði á meðal þeirra manna sem hægt væri að kalla í ef eitthvað kæmi upp í undirbúningnum. Cole varð ekki við þeirra beiðni og ætlar frekar í frí.

Það er Sky sem greinir frá þessu. Cole staðfestir þessar fréttir á Twitter í kvöld og segist jafnframt hafa lagt landsliðskóna á hilluna.

Enskir íþróttafréttamenn hafa einnig greint frá því í kvöld að hvorki sé pláss fyrir Michael Carrick né Tom Cleverley í enska hópnum.