Ruðningskappi sést rota unnustu sína á myndbandi

Ruðningskappinn Ray Rice sést rota þáverandi unnustu sína Janay Palmer á myndbandi sem birtist á vefsíðu TMZ í morgun.

Um er að ræða myndband sem náðist úr öryggismyndavél á hóteli í Atlantic City, þegar parið var statt þar í febrúar. Rice sést rota kærustu sína með því að berja hana með krepptum hnefa. Rice var á sínum tíma dæmdur fyrir líkamsárás vegna höggsins. Hann var dæmdur í tveggja leikja bann í NFL-deildinni vegna málsins og var sú ákvörðun gagnrýnd talsvert, margir vildu að hann fengi lengra bann. Síðan þá hefur NFL-deildin lagt fram nýjar reglur sem veita forráðamönnum hennar víðtækari úrræði til að dæma leikmenn sem gerast sekir um heimilisofbeldi í lengra bann.

Framkvæmdastjóri deildarinnar fór fram á að sjá myndbandið úr öryggisvélinni en fékk ekki. Áður hafði myndband gengið um vefinn þar sem Rice sést draga kærustu sína út úr lyftunni. Nú er allt myndbandið komið á netið og hefur vakið mikla athygli vestanhafs.

Myndbandið má sjá hér að neðan.

Ray Rice -- ELEVATOR KNOCKOUT ... Fiancee Takes Crushing Punch [Video] - Watch More Celebrity Videos or Subscribe