Gerir grín að liðsfélaga sínum

Gary Martin, framherji KR, bíður reglulega upp á skemmtilegar færslur á samfélagsmiðlunum Twitter og Instagram.

Nýjasta útspil Englendingsins er myndband til heiðurs Skagamanninum Birni Jónssyni sem á dögunum yfirgaf KR-inga.

Myndbandið hefst á varúðarorðum Englendingsins:

„Það sem ég er í þann mund að sýna ykkur er hræðilegt."

Við tekur brot úr tónlistarmyndbandi Haffa Haff, sem frumsýnt var hér á Vísi í gær, þar sem Björn er á meðal þátttakenda. Þar má einnig sjá Davíð Einarsson, fyrrum KR-ing, sem kominn er á heimaslóðir hjá Fylki í Árbænum.

Annars er það helst að frétta af Gary Martin að hann er kominn með bílpróf.