Klúðrið sem kom Gary í gang | Myndband

Gary Martin var maður leiksins í 3-0 sigri KR á Þórs í gær, enda skoraði hann og lagði upp mark. En hann fór líka illa að ráði sínu fyrir framan mark andstæðingsins.

Í upphafi seinni hálfleiks fékk hann sendingu frá Atla Sigurjónssyni inn fyrir varnarlínu Þórs.

Eins og sést í meðfylgjandi myndbandi vippaði hann boltanum yfir Joshua Wicks í marki Þórs en boltinn, sem virtist á leiðinni inn, skoppaði yfir markið - þó svo að Martin hafi sjálfur verið hársbreidd frá því að ýta knettinum yfir línuna.

Martin lét það þó ekki á sig fá og skoraði gott mark aðeins fimm mínútúm síðar. Þar með kom hann KR-ingum í 2-0 og var kominn á blað í Pepsi-deildinni þetta tímabililð.

Varamaðurinn Þorsteinn Már Ragnarsson skoraði svo þriðja mark KR undir lok leiksins eftir fínan undirbúning Martin.