Er Jói Kalli búinn að semja við Fram?

Fram hefur boðað til blaðamannafundar eftir klukkutíma og má fastlega reikna með því að þar verði Jóhannes Karl Guðjónsson kynntur til leiks sem nýr leikmaður félagsins.

Miklar breytingar hafa orðið á leikmannahópi Fram síðustu viku. Hinn nýi þjálfari félagsins, Bjarni Guðjónsson, hefur sankað að sér fjölda ungra og efnilegra leikmanna.

Þessir ungu menn verða að njóta leiðsagnar sér eldri manna og því hefur Bjarni eðlilega verið á höttunum eftir bróður sínum.

Vísir mun flytja fréttir af fundinum á eftir.