Hí fær að nota erfðabreyttar mýs

Umhverfisstofnun hefur veitt Háskóla Íslands leyfi fyrir afmarkaðri starfsemi með erfðabreyttar mýs. Um er að ræða tilraunir á músum þar sem rannsökuð eru áhrif á myndun sortuæxla. Rekstraraðila er heimil notkun á erfðabreyttum músum til tilrauna í dýraaðstöðu VRIII byggingar, undir eftirliti dýralækna við Tilraunastöð Háskólans í Meinafræði á Keldum.

Umsagnaraðilar voru ráðgjafanefnd um erfðabreyttar lífverur og Vinnueftirlitið. Fram kemur á vef Umhverfisstofnunar að ráðgjafanefnd um erfðabreyttar lífverur lagði einróma til að leyfið yrði veitt. Vinnueftirlitið skoðaði vinnuaðstöðuna í VRIII og gerði ekki athugasemd við vinnuaðstöðuna.

Meira má lesa um málið á vef Umhverfisstofnunar.