Kvikmyndagerð á Íslandi fékk Bleiku steinana

Kvikmyndagerð á Íslandi hlaut í dag Bleiku steinana, hvatningarverðlaun Femínistafélags Íslands.

Félagið hvetur til þess þess að gerðar verði fleiri bíómyndir með konum í aðalhlutverki, að handritshöfundur og leikstjórar skoði með hvaða hætti konur eru sýndar í kvikmyndum sínum og að kvikmyndaiðnaðurinn í heild skoði eigin menningu.

Þá fagnar þeirri grósku sem verið hefur í íslenskri kvikmyndagerð undanfarin ár. Verðlaunin eru veitt 19. júní ár hvert þeim sem eru í lykilstöðu til að hafa áhrif til góðs á jafnrétti kynjanna.

„Óvísindaleg könnun á leiknum íslenskum kvikmyndum undanfarin fimm ár leiðir í ljós að í þrjátíu og sjö myndum frumsýndum á tímabilinu eru karlar í aðalhlutverkum í nítján, en konur einungis í tveimur (skv. heimasíðu Kvikmyndamiðstöðvar Íslands). Aðrar myndir hafa aðalhlutverk af fleiri kynjum. Heimildamyndir og sjónvarpsþáttaraðir eru ekki taldar með hér, en höfundar og framleiðendur þeirra eru sannarlega með í þeim hópi sem hlýtur hvatningu Femínistafélagsins,“ segir í tilkynningunni.