Innlent

Sorg í Bolungarvík - söfnun hafin

Ellý Ármanns skrifar
Ísak lést eftir skammvinn veikindi aðeins 12 ára gamall. Við fengum leyfi til að birta þessa mynd.
Ísak lést eftir skammvinn veikindi aðeins 12 ára gamall. Við fengum leyfi til að birta þessa mynd.
Bolvíkingar hafa sett af stað söfnun fyrir foreldra ungs drengs, Ísaks Inga, sem féll frá í liðinni viku eftir skammvinn veikindi. Við fengum leyfi til að birta meðfylgjandi pistil ásamt mynd af drengnum sem var tólf ára gamall þegar hann féll frá en hluta úr pistlinum sem birtist á fréttavef Bolvíkinga þar sem bæjarbúar eru hvattir til að styðja við bakið á foreldrum Ísaks má lesa hér:

Kæru bæjarbúar, vinir, velunnarar og aðrir þeir sem þekktu Ísak Inga Guðbjartsson og fjölskyldu hans. Sagt er að það þurfi heilt bæjarfélag til að ala upp barn. Öll börn okkar litla samfélags eru á einn eða annan hátt, okkar börn.

Nú höfum við orðið fyrir þeim hræðilega harmleik að þurfa að sjá á eftir einum okkar dýrmæta syni, Ísaki Inga Guðbjartssyni sem lést í liðinni viku.

Við vitum að ekkert getur linað sársauka foreldra, systkina og fjölskyldu Ísaks. Engin orð eru nógu máttug til að líkna né draga úr harmi þeirra, sorg eða söknuði.Í mínum huga hafa margar tilfinningar bærst, líkt og í ykkar. Sorg, söknuður, þakklæti og samhugur. Og þegar kemur að samhug, þá erum við vel sett að búa í litlu og kærleiksríku samfélagi.

Foreldrar Ísaks eru ungt fólk. Ungt barnafólk sem nú stendur frammi fyrir erfiðasta verkefni lífs síns. Að kveðja barn sitt í hinsta sinn. Svo er einnig um okkur öll. Við kveðjum okkar dreng í hinsta sinn.

Stofnaður hefur verið útfararsjóður til þess að standa straum af tilkostnaði þeim sem útför og allt hennar ferli ber með sér. Þeir sem vilja og geta, fá því að leggja sitt af mörkum og ég hugsa að okkur þyki það gott. Það er svo fátt annað sem við getum gert.

Reikningsnúmerið er: 1176-05-400777 og kennitalan er 610269-7379



Pistillinn í heild sinni - sjá nánar hér (Vikari.is).

Mest lesið


Fleiri fréttir

Sjá meira


×

Mest lesið