KR-ingurinn Sigríður María Sigurðardóttir skoraði þrjú mörk og Blikinn Esther Rós Arnarsdóttir átti þátt í fjórum mörkum þegar íslenska 17 ára landslið kvenna í fótbolta vann 6-0 sigur á Moldavíu í undankeppni EM í dag.
Íslensku stelpurnar hafa þar með unnið tvo fyrstu leiki sína í riðlinum með markatölunni 11-0 og hafa með því tryggt sér sæti í milliriðli. Stelpurnar mæta síðan Ungverjum í lokaleiknum í úrslitaleik um efsta sætið í riðlinum. Ungverjar unnu 8-0 stórsigur á Lettum á sama tíma.
Sigríður María Sigurðardóttir skoraði tvö fyrstu mörk leiksins á 6. og 8. mínútu, það fyrra kom eftir stoðsendingu Evu Bergrín Ólafsdóttur en það seinna eftir stoðsendingu frá Esther Rós Arnarsdóttur.
Völsungurinn Hulda Ósk Jónsdóttir skoraði þriðja markið á 50. mínútu eftir stoðsendingu frá Esther Rós og Esther Rós skoraði síðan sjálf fjórða markið á 55. mínútu.
Sigríður María innsiglaði þrennu sína á 61. mínútu en þetta voru fyrstu þrjú mörk hennar í íslenska landsliðsbúningnum.
Esther Rós skoraði annað markið sitt á 74. mínútu eftir stoðsendingu frá Þórsaranum Lillý Rut Hlynsdóttur og þannig urðu lokatölur leiksins.
Sigríður María með þrennu í flottum sigri á Moldavíu
Óskar Ófeigur Jónsson skrifar

Mest lesið



Barcelona biður UEFA um leyfi
Fótbolti


Shearer öskureiður: „Þetta er bara fáránlegt“
Enski boltinn

Mættur aftur tuttugu árum seinna
Körfubolti

„Það er ástæða fyrir því að ég vildi snúa aftur “
Íslenski boltinn

Aukaspyrnumark Oumars tryggði Njarðvík stig í toppslagnum
Íslenski boltinn

„Ótrúlegt að við skyldum ekki klára leikinn fyrr“
Íslenski boltinn

Fleiri fréttir
