Ríkisstjórnarflokkarnir missa fylgi

Stuðningur við ríkisstjórnina hefur dregist saman samkvæmt nýrri könnun MMR. Stuðningurinn mælist nú 55,8 prósent miðað við 59,8 prósent í þeirri síðustu.

Sjálfstæðisflokkurinn mælist nú með 27,3 prósent, miðað við 28,2 prósent í síðustu mælingu og Framsóknarflokkurinn mælist með 19,9 prósent fylgi, borið saman við 21,2 prósent í síðustu mælingu.

Samfylkingin mælst nú með 13,0 prósent fylgi, borið saman við 11,7 prósent í síðustu mælingu og Björt framtíð mælist nú með 12,5 prósent fylgi borið saman við 11,2 prósent í síðustu mælingu. Vinstri græn mælast nú með 12,4 prósent fylgi, borið saman við 13,8 prósent í síðustu mælingu og Pírataflokkurinn mælist nú með 8,1 prósent fylgi, borið saman við 6,6 prósent í síðustu mælingu.

Nánar á vefsíðu MMR.