Maður í vél Icelandair settur frá borði í Kanada

Um þriggja tíma seinkun varð á flugi Icelandair (FI 614) frá New York til Keflavíkur. Ástæðan var sú að flugvélin þurfti óvænt að lenda í Goosebay í Kanada. Þar var maður settur frá borði og flogið aftur af stað. Enn liggur ekki fyrir hvað olli því að maðurinn var látinn yfirgefa vélina; hvort um var að ræða svokallaðan flugdólg eða hvort veikindi réðu því að hann var látinn yfirgefa flugvélina.

Að sögn Guðjóns Arngrímssonar upplýsingafulltrúa Icelandair var þetta um miðja nótt og þurfti að taka töskur mannsins frá borði jafnframt. Guðjón segir þetta hafa gengið vel fyrir sig.

Til stóð að vélin lenti í Keflavík uppúr klukkan sex í morgun lenti skömmu fyrir tíu.