"Fimma“ endaði með líkamsárás - sýknaður vegna neyðarréttar

Karlmaður var sýknaður í Héraðsdómi Reykjaness í dag fyrir líkamsárás í anddyri fjölbýlishúss í ágúst á síðasta ári.

Málsatvik eru þau að sambýliskona mannsins var að koma að heimili þeirra og mætti þá tveimur bræðrum. Samkvæmt frásögn hennar gaf hún öðrum þeirra  „fimmu“ en hinn hafi ekki svarað þessari kveðju hennar.

Hún hafi því ætlað að sparka í rassinn á honum en hann greip þá um fót hennar og hún við það dottið í gólfið og meitt sig lítillega á hendi.

Það var þá sem hinn ákærði kom að og taldi að bræðurnir væru að ráðast á kærustu sína. Hann hafi í framhaldi slegið bróðurinn sem kippti í löppina á kærustunni.

Maðurinn sagðist hafa séð kærustu sína liggja í jörðinni og bræðurnar standa yfir henni. Hann segist því hafa talið að þeir væru að ráðast á hana. Þannig hafi hann verið skilyrði fyrir neyðarrétti.

Dómari tók undir þessa skýringu og sýknaði því kærastann á þeim forsendum að hann hafi bæði verið brugðið og skelfdur og ætlað að afstýra hugsanlegri árás sem hann taldi vera að eiga sér stað.