Linda P og Jeremy Clarkson úti á lífinu

"Þetta hljómar eins og byrjunin á vondum brandara en svo virðist sem Jeremy Clarkson eigi eitt og annað sameiginlegt með fegurðardrottningu." Svo hefst frásögn sem finna má í Daily Mail en fjölmiðillinn birtir frásögn og myndir af því þegar Top Gear-sjónvarpsmaðurinn og Linda Pétursdóttir fegurðardrottningu sáust saman fyrir utan frægramannastaðinn Groucho Club. Þau föðmuðust, kysstust, hlógu og létu vel hvort að öðru.Fyrirsögnin er í hálfgildings æsifréttastíl: "Jeremy Clarkson og Miss World? Top Gear host embraces beauty queen Linda Petursdóttir after a night out".



Blaðið greinir frá því að þrátt fyrir það sem virtist rómantísk stund brást ekki að kennimark Clarkson væri á sínum stað; sígaretta milli fingra. Ljósmyndari greip parið á góðri stund rétt áður en þau stungu sér saman í leigubíl.

Sjálf gefur Linda ekki mikið fyrir fréttaflutninginn á Facebooksíðu sinni: "Furðulegt að vera fylgt hvert fótmál af paparazzi. Átti góða kvöldstund með Jeremy vini mínum."

Sjá nánar hér.