Skilinn eftir fimm ára hjónaband

Rapparinn og upptökustjórinn Timbaland og eiginkona hans til fimm ára, Monique Mosley, ætla að skilja. Vefsíðan Gossipcop sagði frá þessu.

Mosley sótti um skilnaðinn og fer fram á að rapparinn greiði meðlag með dóttur þeirra og tíu ára syni hennar frá fyrra sambandi. Parið hefur verið saman í tíu ár og gift í fimm.

Timbaland er hvað þekktastur fyrir störf sín sem upptökustjóri og hefur hann meðal annars unnið náið með Missy Elliot, Aaliyah, Nelly Furtado, Jay-Z, LL Cool J og Ludacris.