Innlent

Lengi viljað útrýma öllum undanþágum

Elimar Hauksson skrifar
Halldór segir að skattgreiðendur eigi ekki að bera kostnað af lóðaúthlutunum til trúfélaga. 
fréttablaðið/heiða
Halldór segir að skattgreiðendur eigi ekki að bera kostnað af lóðaúthlutunum til trúfélaga. fréttablaðið/heiða mynd/Heiða

Mikill meirihluti landsmanna er andvígur því að sveitarfélögin úthluti trúfélögum ókeypis lóðum til að byggja trúarbyggingar samkvæmt niðurstöðum skoðanakönnunar MMR.

Alls sögðust 71,3 prósent þeirra sem afstöðu tóku í könnuninni mjög eða frekar andvíg úthlutun ókeypis lóða. Um 18,8 prósent sögðust hlutlaus en tíu prósent sögðust frekar eða mjög fylgjandi því að trúfélög fái ókeypis lóðir.

Halldór Halldórsson, formaður Sambands íslenskra sveitarfélaga, segir það lengi hafa verið stefnu sveitarfélaganna að afnema hvers kyns undanþágur.

„Ég heyrði fréttirnar af þessari könnun og niðurstöðurnar komu mér ekkert á óvart. Bæði hefur viðhorf til svona undanþága breyst og svo er hitt að trúfélög eru umdeildari í dag en þau voru hér áður,“ segir Halldór.

Samkvæmt lögum um tekjustofna sveitarfélaga eru kirkjur og bænahús skráðra trúfélaga undanþegin fasteignaskatti. Halldór segir að slíkt hafi einnig átt við um íslenska ríkið en þar hafi orðið breyting á.

„Fyrir nokkrum árum borgaði ríkið ekki fasteignaskatt af sínum eignum nema að litlu leyti. Framtíðarmúsíkin er að útrýma þessum undanþágum,“ segir Halldór. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.