Það verður allt vitlaust

„Í tilefni af Gay pride-hátíðinni sem haldin verður um næstu helgi ætlum við Óli Hjörtur Ólafsson skemmtanastjóri að halda tryllt lokapartí á Dolly næstkomandi sunnudag. Þetta er fjórða árið í röð sem við höldum Club Soda-lokapartí á Gay pride.

Við fengum höfuðpaur hljómsveitarinnar Hercules and Love Affair, Andy Butler, til þess að koma og spila.“ Butler, sem kemur úr New York partí-senunni, er þekktur fyrir að gera allt vitlaust þegar hann kemur fram.

Aðspurð segir Natalie að hljómsveitin sé mjög litrík og er önnur söngkonan kynskiptingur og hin lesbía. „Það er mikill heiður að fá þau til þess að koma og spila. Þegar ég talaði við Butler var hann mjög spenntur að koma til landsins,“ segir Natalie Gunnarsdóttir að lokum.