Kristin Stewart missti sig á ljósmyndara

Svo virðist sem að leikkonan Kristin Stewart hafi fengið sig fullsadda af ágangi papparazzanna.

Leikkonan missti stjórn á skapi sínu á dögunum þegar hún reyndi að komast óséð úr íbúð yfir í bíl sem beið eftir henni.

Faldi hún sig undir teppi en í myndbandsupptöku sem nú er búið að fjarlægja af internetinu mátti heyra Kristin blóta ljósmyndaranum sem virðist hafa sagt eitthvað til að ögra henni.

Segir Kristin honum meðal annars að fara til fjandans en þegar ljósmyndarinn spurði hvers vegna hún væri að blóta honum sagði hún að hann ætti ekki skilið að anda að sér sama lofti og hún.