Óljóst fordæmi gengislánadóma

Dómurinn í máli Borgarbyggðar gegn Arionbanka hefur takmarkað fordæmisgildi og því ættu lántakendur að varast að byggja væntingar um endurgreiðslu á því máli. Þetta segir hæstaréttarlögmaðurinn Helgi Sigurðsson í viðtali við Morgunblaðið.

Helgi segir að í Borgarbyggðarmálinu, sem lauk með dómi í október síðastliðnum, hafi ágreiningurinn fyrst og fremst snúist um hvort víkja ætti frá meginreglu um fullar efndir lána. Kröfur byggðar á því máli, sem feli í sér neikvæða raunvexti af lánum, geti að mati Helga aldrei samrýmst réttmætum væntingum lántaka eða réttarumhverfi fyrir lántakveitanda.

Í greininni í Morgunblaðinu segir að Helgi telji að nýlegur dómur í máli Plastiðjunnar gegn Landsbankanum, þar sem Helgi var lögmaður Landabankans, skipti mestu máli í endurútreikningi gengislána, en þar var kveðið á um að lán skuli reikna mað seðlabankavöxtum og og draga frá því innborganir. Eftirstöðvarnar væru því sú upphæð sem eftir stæði.