Hafnar hagsmunaárekstrum

Rósa Björk Brynjólfsdóttir, varaþingmaður Vinstri grænna, var harðorð í ávarpi sínu á Alþingi í gær þegar rætt var um frumvarp mennta- og menningarmálaráðherra sem kveður á um að Alþingi skipi alla stjórnarmenn Ríkisútvarpsins.

Rósa Björk starfar sem upplýsingafulltrúi Fjármálaráðuneytisins og er sem slík talsmaður fjármálaráðherra. Hún er í leyfi sem stendur og hafnaði því í samtali við Vísi að um hagsmunaárekstur væri að ræða. „Ég talaði ekki gegn mínum eigin ráðherra í gær. Ég er í leyfi frá upplýsingafulltrúastöðu minni og talaði sem varaþingmaður VG í ávarpi mínu,“ segir Rósa.