Íslendingar róa frá Noregi til Íslands

Fjórir íslenskir sæfarar, þeir Einar Örn Sigurdórsson, Eyþór Eðvarðsson, Kjartan Jakob Hauksson og Svanur Wilcox, keppast nú við að róa yfir Atlantshafið á sérstökum úthafsróðrarbát. Íslendingarnir komu á land í Kirkwall í Orkneyjum í gær, mánuði eftir að leiðangur þeirra hófst í Kristiansand í Noregi.

„Veðrið var okkur frekar erfitt," sagði Svanur Wilcox við komuna til Orkneyja, en eyjarnar eru fyrsti viðkomustaður sæfaranna á leið þeirra frá Noregi til Íslands. Alls tók róðurinn frá Kristiansand til Orkneyja sjö daga, en leiðin er um 350 sjómílur.

Ef Íslendingunum tekst ætlunarverk sitt, að róa frá Noregi til Íslands, mun afrekið rata í heimsmetabók Guinness.