Greinir hjartagalla í börnum

María Dís Gunnarsdóttir, fjögurra ára stúlka, var fyrsta barnið sem var skoðað með Hirti, nýja hjartaómskoðunartækinu sem var tekið í formlega notkun á Barnaspítala Hringsins í gær.

Hjörtur er hjartaómskoðunartæki af nýjustu gerð. Þjóðarátakið Á allra vörum árið 2011 safnaði fyrir tækinu. Í tilkynningu Neistans, styrktarfélags hjartveikra barna, kemur fram að tækið geri læknum kleift að greina betur og fyrr hjartagalla í fæddum og ófæddum börnum.

Í tækinu er hægt að skoða hjartað í þrívídd og eru myndgæði meiri en áður hefur þekkst. Þá mun hagræði við gagnavinnslu meira og hægt að skoða gögn úr tækinu hvar sem er, innan sem utan spítalans.