Bannar ljósmyndara

Tónlistardívan Beyoncé hefur bannað alla utanaðkomandi ljósmyndara á tónleikum sínum en hún er þessa dagana á tónleikaferðalagi um heiminn. Ástæðan ku vera sú að hún vill ekki gefa neinum færi á að taka af sér ljótar myndir sem rata inn á myndabanka heimsins.

Í staðinn verða bara ljósmyndarar á vegum Beyoncé sem sjá um að mata myndabankana með myndum sem söngkonan hefur lagt blessun sína yfir. Samkvæmt vefmiðlinum Jezebel var Beyoncé víst ekki nógu ánægð með allar myndirnar sem voru teknar af henni er hún söng í hálfleik á Superbowl fyrr á árinu.