Módel gefur raunveruleikastjörnu fingurinn

Módelið og fatahönnuðurinn Caroline D'Amore tók sér hlé á sýningarpallinum til að senda raunveruleikastjörnunni Scott Disick fingurinn á Style Fashion Week sýningunni í Los Angeles síðasta þriðjudagskvöld.

Þetta gerði hún vegna þess að henni ofbauð hegðun stjörnunnar sem var með mikil læti. Hann lét sér ekki segjast og hélt ólátunum áfram. Undir lok sýningarinnar þreif Disick í hönnuðinn Cedric Benaroch og togaði hann nánast niður af pallinum.

Systurnar Kendall og Kylie Jenner, sem eru raunveruleikastjörnur og hálfsystur Kardashian-systranna, mættu með Scott Disick á tískusýninguna.

Disick er barnsfaðir Kourtney Kardashian sem er hálfsystir þessara unglingsstúlkna. Síðar um kvöldið sáust þau yfirgefa næturklúbb með kynlífsþema sem þær hafa ekki aldur til að sækja.