Framsóknarmenn kjósa formann

Kosið verður til embætta á flokksþingi Framsóknarflokksins eftir hádegi í dag.

Sigmundur Davíð Gunnlaugsson sitjandi formaður hefur einn gefið kost á sér í formannssætið og Sigurður Ingi Jóhannsson þingmaður flokksins einn í varaformannssætið en Birkir Jón Jónsson sitjandi varaformaður gefur ekki kost á sér, enda ætlar hann að hætta í póltík eftir kjörtímabilið.

Allir flokksmenn eru kjörgengir.

Úrslit kosninganna ættu að liggja fyrir um klukkan tvö í dag, og verður að sjálfsögðu fylgst með gangi mála hér á Vísi.is.