Fékk þau skilaboð að hann mætti ekki spila fótbolta framar Kolbeinn Tumi Daðason skrifar 27. desember 2013 14:15 Mynd/Samsett „Alveg frá því ég man eftir mér sagðist ég ætla að verða fótboltakarl þegar ég var spurður hvað ég ætlaði að verða þegar ég yrði stór,“ segir Bjarki Már Ólafsson sem nýlega þurfti að leggja knattspyrnuskóna á hilluna fyrir aldur fram. Seltirningurinn metnaðarfulli setti sér snemma markmið að vinna fyrir sér við þá iðju sem honum þótti skemmtilegust, að leika knattspyrnu. Hægt hefði verið að gefast upp á þeim áformum margsinnis á leiðinni en Bjarki hélt sig við markmið sín alveg sama á hverju gekk.„Samkeppnin á milli okkar bræðra hefur alltaf verið svo mikil. Bæði í íþróttum og öðru,“ segir Bjarki Már sem vel fram á táningsár þótti ekki með þeim efnilegustu í flokki sínum. Hann segir samkeppnina við bróður sinn hafa hjálpað sér mikið í fótboltanum þótt erfitt hafi verið að sætta sig við ýmislegt á leiðinni. Á tímabili var hann í B-liði Gróttu á meðan bróðir hans, árinu yngri, spilaði með A-liðinu. „Hann var bæði stærri og sterkari en ég og hafði þá eiginleika fram yfir mig. Ég var seinþroska, tók ekki út kynþroska fyrr en í 10. bekk á meðan hann gerði það í 7. bekk,“ segir Bjarki Már sem aldrei lét deigan síga. Hann segist hafa verið meðvitaður um að þroskinn myndi koma og það eina sem hann gæti gert væri að bæta færni sína í fótbolta. Annað kæmi síðar.Bjarki Már fagnar bronsverðlaunum á Norway Cup sumarið 2010.Mynd/Grottusport.is„Ég þurfti að æfa óhemju mikið, æfa aukalega og þess háttar,“ segir Bjarki Már. Hann segist frá unga aldri hafa tamið sér að setja sér markmið og aldrei verið feiminn við að deila þeim með öðrum. Ýmist var hann heima hjá sér og sparkaði í vegg eða úti á Gróttuvelli. Sigurður Helgason var þjálfari hans í 4. flokki sem kom Bjarka Má vel. Sigurður þjálfaði líka 3. flokk og 2. flokk á þeim tíma. „Ég var svo oft uppi á grasi að ég fékk stundum að æfa með 2. flokki þegar vantaði mann í spil eða annað. Siggi gerði rosalega mikið fyrir mig. Við náðum mjög vel saman þótt það hafi ekki verið tilfellið með alla,“ segir Bjarki Már. Miðvörðurinn tók út þroska sinn og getan var svo sannarlega til staðar. Honum var boðið utan til æfinga hjá enska félaginu Reading sumarið 2011 þegar hann var 17 ára. „Ég var þar í tíu daga og þeir voru rosalega ánægðir með mig,“ segir Bjarki Már. Það hafi verið mikil hvatning fyrir sig að vera boðið út enda hafi það verið eitt af markmiðunum. Þá var hann valinn í æfingahóp 19 ára landsliðsins í kjölfarið.Bjarki Már í búningi Reading.Grottasport.isBjarki Már meiddist illa snemma árs 2012 og var mikið frá á árinu. Árið sem senn er á enda var hins vegar hans besta. Hann vann sig inn í meistaraflokk Gróttu sem hann æfði með ásamt því að vera í aðalhlutverki hjá 2. flokki Gróttu. Í haust var hann valinn besti leikmaður 2. flokks en um leið efnilegasti leikmaður meistaraflokks félagsins. Skömmu síðar dundi áfallið yfir. „Ég hef alltaf verið í reglulegu eftirliti hjá hjartalækni,“ segir Bjarki sem fæddist með tvíblaðka hjartalokur í stað þríblaðka. Það hafi hins vegar aldrei háð honum og svör læknisins þar til í haust verið á þá leið að hann þyrfti ekki að hafa neinar áhyggjur. Hann reiknaði ekki með því að nein breyting hefði orðið á því þegar læknirinn boðaði sig í skoðun ásamt foreldrum sínum. „Það var gríðarlegt sjokk. Ég stóð upp og gekk beint út,“ segir Bjarki Már um viðbrögð sín þegar hann fékk að heyra tíðindin. Álagið á hjartað og leki í hjartalokunum hefði aukist mikið. Ástandshorfurnar væru ekki góðar. Hann yrði að hætta knattspyrnuiðkun. Bjarki hafði tekið fótboltadótið með sér til læknisins enda átti hann að mæta á æfingu.Bjarki Már í leik með Gróttu.Mynd/Eyjólfur„Ég keyrði beint út á fótboltavöll þar sem ég hef í gegnum tíðina leitað skjóls,“ segir Bjarki Már sem hitti á þjálfara sinn Ólaf Brynjólfsson. Þá hafi hann fyrst áttað sig á alvarleika málsins og brotnað niður. „Það er ekki oft sem það gerist en ég brotnaði niður í faðminum á honum. Þá skildi ég að markmiðin mín væru á leiðinni út um gluggann,“ segir Bjarki Már sem þó var með á æfingunni. Sinni síðustu. „Ég var búinn að leggja svo hart að mér í mörg ár og náð að afreka mikið. Ég var orðinn bjartsýnn á að ná markmiðunum,“ segir Bjarki Már sem spilaði í fyrsta skipti með meistaraflokki Gróttu í sumar. Auk atvinnumannsdraumsins átti hann sér þann draum að spila fyrir hönd karlalandsliðs Íslands á Laugardalsvelli. Raunar er með ólíkindum í hversu gott form Bjarki Már var kominn síðastliðið sumar. Hann skoraði hæstu einkunn í þrekprófum (e. Cooper Test) sem samkvæmt hjartalækninum var ótrúlegt í ljósi þess hve mikill lekinn í hjartalokunum var.Bjarki Már í baráttunni.Mynd/Eyjólfur„Lekinn var það mikill að hjartað var að vinna á 30 prósent aukaálagi. Það þarf að pumpa þeim mun meira hjá mér en öðrum,“ segir Bjarki Már. Í raun megi þakka forminu því að hann hafi getað haldist svo lengi í fótboltanum. „Það þekkist ekki að vera í svona formi með þennan hjartasjúkdóm. Formið gaf mér þann tíma sem ég þó gat verið með í þessu.“ Þegar draumar mölbrotna er auðvelt að gera hið sama. Brotna niður og bölva óréttlæti heimsins. Bjarki Már var fljótur að finna sér ný markmið. Strax eftir fyrrnefnda æfingu hafi Ólafur og Jens Sævarsson, þjálfari 2. flokks, rætt við sig. „Óli vildi fá mig beint inn í þjálfarateymið í meistaraflokki og Jenni inn í 2. flokkinn,“ segir Bjarki Már. Nú tveimur mánuðum síðar eru markmiðin skýr. Þau eru í raun þau sömu og hann hafði sem leikmaður nema nú sem þjálfari.Bjarki Már með verðlaun sín á lokahófi Gróttu. Með honum á myndinni er Guðmundur Marteinn Hannesson, fyrirliði liðsins.Mynd/Eyjólfur„Ég er búinn að sætta mig við þetta og stefni nú á að verða eins góður þjálfari og mögulegt er,“ segir Bjarki Már. Hann kýs að horfa á hið jákvæða fremur en hið neikvæða. „Flestir byrja að plana þjálfaraferilinn upp úr þrítugu. Ég er nítján ára og er því kominn með forskot,“ segir Seltirningurinn. Hann lýkur stúdentsprófi frá Verzlunarskóla Íslands í vor og hyggur á nám í íþróttafræði á Englandi næsta haust. Sigurður Ragnar Eyjólfsson, fyrrum þjálfari kvennalandsliðsins og nú þjálfari karlaliðs ÍBV, er Bjarka Má innan handar. Bjarki ritaði Sigurði bréf þar sem hann sagði honum sína sögu. Sigurður birti bréfið á heimasíðu sinni öðrum til hvatningar. Erfitt er að verða ekki snertur af hugarfari táningsins metnaðarfulla. „Maður verður að líta sem björtustum augum fram í tímann og vinna úr málunum eins og þeir birtast manni.“ Íslenski boltinn Mest lesið „Dómur þarna í restina sem ákveður úrslitin“ Körfubolti Ræðir veru sína í rússnesku fangelsi í nýrri bók Körfubolti Aþena upp í Subway-deildina Körfubolti Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn „Gamaldags boxbardagi frá fyrstu mínútu“ Körfubolti Þurfa leyfi til að taka þátt í Meistaradeild Evrópu á næstu leiktíð Fótbolti „Höfum vaxið með hverjum leik“ Fótbolti Telja að Man United hafi saknað leiðtogahæfileika Martínez Enski boltinn Mari Järsk sigurvegari Bakgarðshlaupsins Sport Fleiri fréttir Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ Sjá meira
„Alveg frá því ég man eftir mér sagðist ég ætla að verða fótboltakarl þegar ég var spurður hvað ég ætlaði að verða þegar ég yrði stór,“ segir Bjarki Már Ólafsson sem nýlega þurfti að leggja knattspyrnuskóna á hilluna fyrir aldur fram. Seltirningurinn metnaðarfulli setti sér snemma markmið að vinna fyrir sér við þá iðju sem honum þótti skemmtilegust, að leika knattspyrnu. Hægt hefði verið að gefast upp á þeim áformum margsinnis á leiðinni en Bjarki hélt sig við markmið sín alveg sama á hverju gekk.„Samkeppnin á milli okkar bræðra hefur alltaf verið svo mikil. Bæði í íþróttum og öðru,“ segir Bjarki Már sem vel fram á táningsár þótti ekki með þeim efnilegustu í flokki sínum. Hann segir samkeppnina við bróður sinn hafa hjálpað sér mikið í fótboltanum þótt erfitt hafi verið að sætta sig við ýmislegt á leiðinni. Á tímabili var hann í B-liði Gróttu á meðan bróðir hans, árinu yngri, spilaði með A-liðinu. „Hann var bæði stærri og sterkari en ég og hafði þá eiginleika fram yfir mig. Ég var seinþroska, tók ekki út kynþroska fyrr en í 10. bekk á meðan hann gerði það í 7. bekk,“ segir Bjarki Már sem aldrei lét deigan síga. Hann segist hafa verið meðvitaður um að þroskinn myndi koma og það eina sem hann gæti gert væri að bæta færni sína í fótbolta. Annað kæmi síðar.Bjarki Már fagnar bronsverðlaunum á Norway Cup sumarið 2010.Mynd/Grottusport.is„Ég þurfti að æfa óhemju mikið, æfa aukalega og þess háttar,“ segir Bjarki Már. Hann segist frá unga aldri hafa tamið sér að setja sér markmið og aldrei verið feiminn við að deila þeim með öðrum. Ýmist var hann heima hjá sér og sparkaði í vegg eða úti á Gróttuvelli. Sigurður Helgason var þjálfari hans í 4. flokki sem kom Bjarka Má vel. Sigurður þjálfaði líka 3. flokk og 2. flokk á þeim tíma. „Ég var svo oft uppi á grasi að ég fékk stundum að æfa með 2. flokki þegar vantaði mann í spil eða annað. Siggi gerði rosalega mikið fyrir mig. Við náðum mjög vel saman þótt það hafi ekki verið tilfellið með alla,“ segir Bjarki Már. Miðvörðurinn tók út þroska sinn og getan var svo sannarlega til staðar. Honum var boðið utan til æfinga hjá enska félaginu Reading sumarið 2011 þegar hann var 17 ára. „Ég var þar í tíu daga og þeir voru rosalega ánægðir með mig,“ segir Bjarki Már. Það hafi verið mikil hvatning fyrir sig að vera boðið út enda hafi það verið eitt af markmiðunum. Þá var hann valinn í æfingahóp 19 ára landsliðsins í kjölfarið.Bjarki Már í búningi Reading.Grottasport.isBjarki Már meiddist illa snemma árs 2012 og var mikið frá á árinu. Árið sem senn er á enda var hins vegar hans besta. Hann vann sig inn í meistaraflokk Gróttu sem hann æfði með ásamt því að vera í aðalhlutverki hjá 2. flokki Gróttu. Í haust var hann valinn besti leikmaður 2. flokks en um leið efnilegasti leikmaður meistaraflokks félagsins. Skömmu síðar dundi áfallið yfir. „Ég hef alltaf verið í reglulegu eftirliti hjá hjartalækni,“ segir Bjarki sem fæddist með tvíblaðka hjartalokur í stað þríblaðka. Það hafi hins vegar aldrei háð honum og svör læknisins þar til í haust verið á þá leið að hann þyrfti ekki að hafa neinar áhyggjur. Hann reiknaði ekki með því að nein breyting hefði orðið á því þegar læknirinn boðaði sig í skoðun ásamt foreldrum sínum. „Það var gríðarlegt sjokk. Ég stóð upp og gekk beint út,“ segir Bjarki Már um viðbrögð sín þegar hann fékk að heyra tíðindin. Álagið á hjartað og leki í hjartalokunum hefði aukist mikið. Ástandshorfurnar væru ekki góðar. Hann yrði að hætta knattspyrnuiðkun. Bjarki hafði tekið fótboltadótið með sér til læknisins enda átti hann að mæta á æfingu.Bjarki Már í leik með Gróttu.Mynd/Eyjólfur„Ég keyrði beint út á fótboltavöll þar sem ég hef í gegnum tíðina leitað skjóls,“ segir Bjarki Már sem hitti á þjálfara sinn Ólaf Brynjólfsson. Þá hafi hann fyrst áttað sig á alvarleika málsins og brotnað niður. „Það er ekki oft sem það gerist en ég brotnaði niður í faðminum á honum. Þá skildi ég að markmiðin mín væru á leiðinni út um gluggann,“ segir Bjarki Már sem þó var með á æfingunni. Sinni síðustu. „Ég var búinn að leggja svo hart að mér í mörg ár og náð að afreka mikið. Ég var orðinn bjartsýnn á að ná markmiðunum,“ segir Bjarki Már sem spilaði í fyrsta skipti með meistaraflokki Gróttu í sumar. Auk atvinnumannsdraumsins átti hann sér þann draum að spila fyrir hönd karlalandsliðs Íslands á Laugardalsvelli. Raunar er með ólíkindum í hversu gott form Bjarki Már var kominn síðastliðið sumar. Hann skoraði hæstu einkunn í þrekprófum (e. Cooper Test) sem samkvæmt hjartalækninum var ótrúlegt í ljósi þess hve mikill lekinn í hjartalokunum var.Bjarki Már í baráttunni.Mynd/Eyjólfur„Lekinn var það mikill að hjartað var að vinna á 30 prósent aukaálagi. Það þarf að pumpa þeim mun meira hjá mér en öðrum,“ segir Bjarki Már. Í raun megi þakka forminu því að hann hafi getað haldist svo lengi í fótboltanum. „Það þekkist ekki að vera í svona formi með þennan hjartasjúkdóm. Formið gaf mér þann tíma sem ég þó gat verið með í þessu.“ Þegar draumar mölbrotna er auðvelt að gera hið sama. Brotna niður og bölva óréttlæti heimsins. Bjarki Már var fljótur að finna sér ný markmið. Strax eftir fyrrnefnda æfingu hafi Ólafur og Jens Sævarsson, þjálfari 2. flokks, rætt við sig. „Óli vildi fá mig beint inn í þjálfarateymið í meistaraflokki og Jenni inn í 2. flokkinn,“ segir Bjarki Már. Nú tveimur mánuðum síðar eru markmiðin skýr. Þau eru í raun þau sömu og hann hafði sem leikmaður nema nú sem þjálfari.Bjarki Már með verðlaun sín á lokahófi Gróttu. Með honum á myndinni er Guðmundur Marteinn Hannesson, fyrirliði liðsins.Mynd/Eyjólfur„Ég er búinn að sætta mig við þetta og stefni nú á að verða eins góður þjálfari og mögulegt er,“ segir Bjarki Már. Hann kýs að horfa á hið jákvæða fremur en hið neikvæða. „Flestir byrja að plana þjálfaraferilinn upp úr þrítugu. Ég er nítján ára og er því kominn með forskot,“ segir Seltirningurinn. Hann lýkur stúdentsprófi frá Verzlunarskóla Íslands í vor og hyggur á nám í íþróttafræði á Englandi næsta haust. Sigurður Ragnar Eyjólfsson, fyrrum þjálfari kvennalandsliðsins og nú þjálfari karlaliðs ÍBV, er Bjarka Má innan handar. Bjarki ritaði Sigurði bréf þar sem hann sagði honum sína sögu. Sigurður birti bréfið á heimasíðu sinni öðrum til hvatningar. Erfitt er að verða ekki snertur af hugarfari táningsins metnaðarfulla. „Maður verður að líta sem björtustum augum fram í tímann og vinna úr málunum eins og þeir birtast manni.“
Íslenski boltinn Mest lesið „Dómur þarna í restina sem ákveður úrslitin“ Körfubolti Ræðir veru sína í rússnesku fangelsi í nýrri bók Körfubolti Aþena upp í Subway-deildina Körfubolti Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn „Gamaldags boxbardagi frá fyrstu mínútu“ Körfubolti Þurfa leyfi til að taka þátt í Meistaradeild Evrópu á næstu leiktíð Fótbolti „Höfum vaxið með hverjum leik“ Fótbolti Telja að Man United hafi saknað leiðtogahæfileika Martínez Enski boltinn Mari Järsk sigurvegari Bakgarðshlaupsins Sport Fleiri fréttir Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ Sjá meira