Framsóknarflokkurinn byrjar með fjóra ráðherra

Framsóknarflokkurinn mun byrja með fjóra ráðherra samkvæmt heimildum fréttastofu. Sjálfstæðisflokkurinn verður hinsvegar með fimm ráðherra.

Engu að síður skiptast ráðuneytin jafnt niður á flokkana, það er að segja hvor flokkurinn verður með fimm ráðuneyti. Til að byrja með verður umhverfisráðuneytið hinsvegar sameinað sjávarútvegs- og landbúnaðarráðuneytinu. Til stendur þó að kljúfa það aftur frá Sjávarútvegs- og landbúnaðarráðuneytinu þegar líður á kjörtímabilið og fær þá Framsóknarflokkurinn fimmta ráðherrann.

Ráðuneytin sem Framsóknarflokkurinn fær eru forsætisráðuneytið, utanríkisráðuneytið, sjávar- og landbúnaðarráðuneytið, félagsmálaráðuneytið og svo umhverfisráðuneytið.

Sjálfstæðisflokkurinn mun fara með fjármálaráðuneytið, menntamálaráðuneytið, innanríkisráðuneytið. Svo mun flokkurinn skipa heilbrigðisráðherra í velferðarráðuneytið og iðnaðar- og viðskiptaráðherra í atvinnuvegaráðuneytið.

Stjórnarsáttmálinn verður kynntur á Laugarvatni á morgun en ráðherraskipan verður ljós annað kvöld þegar þingflokkar Framsóknar og Sjálfstæðismanna verður haldinn.