Sjómannafélagið Jötunn fær ráðgjafa frá SÁÁ til Eyja

Sjómannafélagið Jötunn í Vestmannaeyjum, í samráði við stjórnendur Vinnslustöðvarinnar, hefur samið við SÁÁ um að senda ráðgjafa til Eyja til að ræða við skipverjana ellefu ,sem Vinnslustöðin sagði upp eftir að leifar af fíkniefnum fundust í þvagprufum þeirra.

Að sögn Valmundar Valmundarsonar, formanns Jötuns, í viðtali við fréttastofu í morgun, tóku allir sjómennirnir, sem hann náði sambandi við í gær, vel í hugmydina, enda opnast möguleikar á endurráðningu ef þeir vilja í alvöru bæta ráð sitt.

Engin bein loforð liggja þó fyrir um það af hálfu Vinnsustöðvarinnar, en þar á bæ hefur verið tekið vel í þetta framtak sjómannafélagsins.