Grunnskólabörn nýta sér síldina í Kolgrafarfirði

Um það bil 50 manns, aðallega börn úr grunnskólanum í Grundarfirði og úr Ungmennafélagi Grundarfjarðar, ætla strax í birtingu að fara að tína síld úr fjörunni í Kolgrafarfirði upp í kör. Síldinni verður síðan ekið til Sandgerðis, þar sem hún verður unnin í minkafóður til útflutnings.

Þannig vinna unglingarnir gagnlegt hreinsunarsarf og fá jafnframt einhverja aura í aðra hönd fyrir vikið.

Síldardauðinn í Kolgarfarfirði verður til umræðu á ríkisstjórnarfundi fyrir hádegi, þar sem væntanlega verður ákveðið að verja fjármunum til vöktunar í firðinum, og fjallað um hugsanlegar mótvægisaðgerðir.