Egill Helgason hyllir Assange í sjónvarpsþætti

Í óútkominni kvikmynd um Wikileaks hyllir Egill Helgason sjónvarpsmaður, og allt tæknilið RÚV, Julian Assange eftir sjónvarpsviðtal og segja hann nánast hafa bjargað Íslandi með upplýsingum sínum.

Wikileaks hefur lekið handriti óútkominnar myndar um WikiLeaks, "The Fifth Estate" og með fylgir yfirlýsing um að myndin hafi ekkert með raunveruleikann að gera. Þar er talað um að myndin sé óábyrg, hún einkennist af niðurrifsstarfsemi og sé stórskaðleg.

Það er kvikmyndafyrirtækið The DreamWorks film sem framleiðir myndina en til stendur að frumsýna hana 18. október en hin miðlæga persóna er Julian Assange sem Benedict Cumberbatch leikur. Assange hefur áður talað um að "The Fifth Estate" sé áróðursmynd og dragi upp neikvæða mynd af sér og WikiLeaks. Og hún fari rangt með í veigamiklum atriðum, allt frá því hvernig staðið hefur verið að upplýsingum um mikilvæg skjöl allt til þess að hann liti á sér hárið.

Myndin var að hluta til tekin upp á Íslandi og í myndinni koma fyrir íslenskar persónur. Birgitta Jónsdóttir þingmaður er nefnd 51 sinnum í handriti en Kristinn Hrafnsson, talsmaður samtakanna, aldrei. Þá hefur komið fram að Egill Helgason sjónvarpsmaður leiki sjálfan sig og samkvæmt handriti leikur hann nokkuð stórt hlutverk; sem einkum felst í því að hylla Assange og lofa fyrir ómetanlegt starf hans fyrir Íslands hönd.

Hér fer brot úr handritinu þar sem Egill lofar Assange í hástert:

"INT. EGILL HELGASON'S TV SHOW - REYKJAVIK, ICELAND - DAY

CLOSE ON HOST EGILL HELGASON, on his Icelandic TV News show.

EGILL HELGASON

Iceland was bankrupted by the Kaupthing, but we wouldn't know it if not for my guests tonight.

Helgason turns to Daniel and Julian, beside him. We notice that Daniel has STARTED GROWING A BEARD...

EGILL HELGASON

(CONTINUED)

You've done so much for our country, how can we show our thanks?

JULIAN

Protect free speech. Strengthen your laws, give activists in countries without freedom of the press a home. We have too many offshore tax havens, we need more offshore media havens.

Helgason starts CLAPPING. He's joined by more applause and we PULL BACK to REVEAL the ENTIRE CREW CLAPPING WITH HIM.

EGILL HELGASON

(TO CAMERA)

How about it, Iceland?